كنت مفكر إنه كل ما تعبت أكثر واشتغلت ساعات أطول.. رح أربح أكثر.
(إذا كنت صاحب مصلحة وتؤمن بهذه الكذبة اليوم، اقرأ هذه السطور جيداً، لأنها ستوفر عليك سنوات من الضياع).

في فترة الكورونا، وبأسوأ توقيت ممكن عالمياً، فتحت نادي رياضي. لما سكروا البلد والناس دخلت بحالة رعب، خفت. خفت أبيع، خفت أطلب مصاري ليحكوا عني "استغلالي"، وكنت مقتنع إني لازم أكون وجهاً لوجه مع الزبون عشان أقدر
أساعده.

صرت أعطي كل إشي ببلاش عشان ما أبين "مادي". وصلت لمرحلة إني درّبت زبون يعاني من وزن زائد لمدة سنة كاملة مجاناً عشان أساعده... وبتعرف شو صار بس خلصت السنة؟ دار ظهره ومشى، ولا كأني موجود.

بعد الكورونا، لقيت حالي بشتغل ليل نهار، بحرق صحتي وأعصابي، وعم بجمع شهادات وكورسات مهنية عشان الناس "تقدرني".. وفي النهاية، يا دوب كنت أطلع معاش يكفي أكل للبيت. كنت "أرخص موظف" بمصلحتي الخاصة.

بيوم من الأيام، وصلت لطريق مسدود. قررت أعمل حركة الكل حواليّ سمّاها "جنون". رحت عند مستشار أعمال، ودفعتله 25,000 شيكل مقابل مكالمة مدتها 4 ساعات فقط. كنت مرعوب، المبلغ كان فلكي بالنسبة لوضعي وقتها.. بس هاي المكالمة كانت أقوى كف أكلته بحياتي.

هناك فهمت حقيقة قاسية: الشطارة والمهنية بدون "سيستم تسويق أونلاين" هي مجرد هواية مكلفة.

قررت أنسف كل شي بعرفه. رميت كذبة "العمل الشاق" وبدأت أتعلم التسويق الحقيقي. صرفت أكثر من 250,000 شيكل (ربع مليون) من حر مالي وقروض من البنك على تجارب، حملات، وكورسات تسويقية لحد ما فكّيت الشيفرة.

بنيت سيستم أونلاين، والنتيجة؟ وصلت لـ 10,432 أم عاملة في جميع أنحاء العالم العربي وساعدتهم ينزلوا بالوزن. (نعم، الرقم دقيق، مش صدفة).

ليش أنا هون اليوم كمسوق ومستشار أعمال؟
لما أصحاب المصالح اللي حوالي شافوا هاي الأرقام، انصدموا. صاروا يطلبوا مساعدتي واستشارتي لإنقاذ مصالحهم. بيومها، حكالي صديق: "عمري، أنت بتجيب نتائج خرافية، ليش ما تشتغل بالتسويق وتساعد المصالح؟".

وهون أدركت رسالتي الحقيقية: إذا قدرت أبني سيستم يبيع آلاف البرامج وقت الأزمات، أنا بقدر أساعد أي مقدم خدمات (مدرب، مستشار، صاحب عيادة وبعد...) إنه يكسر سقف دخله، ويتحرر من سجن الـ 15 ساعة شغل باليوم.

بفضل الله ثم السيستم اللي بنيته، أنا اليوم بشتغل 10% فقط من الوقت اللي كنت أشتغله بالنادي، وبدخّل أرباح 10 أضعاف على كل زبون والأهم؟ زبائني اليوم هم النخبة، اللي بيدفعوا وهم ممنونين، مش اللي بيفاصلوا عالشيكل.

إذا تعبت من لعب دور "المؤسسة الخيرية"، وتعبت من جمع الشهادات بينما حسابك البنكي فاضي... أنت في المكان الصح.

أنا هون عشان أعطيك "السيستم" اللي كلفني ربع مليون شيكل وسنوات من التعب، جاهز ليرفع مبيعاتك